MADRID, Spaña- Miles di persona diasabra a concentra na Madrid, pa defende e unidad di Spaña, e Constitucion y e Estado di Derecho ante e desafio independista y e posibilidad i un inminente declaracion unilateral di e independencia di Cataluña.
Casi 50 mil ciudadano, segun e delegacion di gobierno Madrileño, a manifesta riba e Plaza di Colon den e capital Spaña y e cayanan cercano, convoca pa e Fundacion pa Defensa di e Nacion Spaño (Deneas).
Den un ambiente festivo, manifestantenan reuni riba e Plaza de Colon a pone abao na suela un bandera grandi di Spaña, na mes momento tabata lansa consignanan manera “Puigdemont pa prizon” of “Biba e Polis Nacional y e Guardia Civil”.
Nan a exhibi tambe pancartanan cu lemanan manera “Prizon pa golpistanan” cu potretnan di e presidente di e Parlamento Catalan, Carles Puigdemont; e vicepresidente, Oriol Junqueras y hefe di e polis autonomo Josep Lluis Trapero.
“Un Spaña uni, hamas por wordo venci”, tabata un di e gritonan mas skucha den e acto, unda cu personan di tur edad a participa.
Ademas di varios organisacionnan Spaño cu a apoya e concentracion, e Observatorio Cubando di Derechonan Humano y e Asociacion di Damanan di Blanco tambe a apoya esaki.
Na mes un momento, otro concentracion multitudinario tabata wordo celebra den cercania di e Plaza di Cibeles na defensa di e dialogo politico, bou di e lema “Parlem?”(Nos por papia?) unda cu e asistentenan tabata bisti di blanco.
Fuente: http://www.elpais.com.co/