New York, MERCA- E tabata e ultimo superviviente di su generacion di e clan Rockefeller, un di sinonimonan mas grandi di capitalismo manera nos conoce awendia.
Un paro cardiaco a caba cu e bida largo (101 aña) di e bankero y multimiyonario David Rockeffeler na su cas na New York.
Durante mas di un decada e tabata dirigi Chase Manhattan Bank y na 1973 el a funda Trilateral Commision, cu ta wordo considera un di e organisacionnan mas influyente na mundo. Segun Revista Forbes, Rockefeller su fortuna ta di mas di 3 biyon dollar.
El a nace dia 12 di Juni 1915, y su welo John ta wordo considera e persona mas poderoso di historia moderno.
Un di su actividadnan filantropico ta destaca e creacion di Rockefeller Center, Museo di Arte di New York y e construccion di World Trade Center. El a adkiri un di e coleccionnan mas completo di Picasso, Cezanne y Matisse y el a mantene un bida social hopi activo a pesar di su edad avansa.
Fuente: www. spdnoticias.com