E Frances Jacqueline Sauvage, kende ta conoci pa e asesinato di su casa, a wordo laga den libertad. Presidente di Francia François Hollande a anunca su desicion diaranson unda cu el a concede e muher un amnistia presidencial cu lo mester finalisa su encarcelacion imediatamente.
E caso Sauvage a causa hopi consternacion na Francia. Na 2012 e muher a tira su casa di 47 aña mata y a categorisa nan matrimonio como 47 aña di fierno yen di violencia y maltrato. Durante tratamento di e caso e muher a crece y bira un simbolo di tur e muhernan cu ta sufri a consecuencia di maltrato y violencia domestico. Asina mes el a haya 10 aña di prizon como castigo.
Despues di a haya sosten masal, Presidente Hollande a dicidi e anja aki pa libera e muher bou cierto condicionnan. Corte Frances no a haya su liberacion responsabel y a stroba e proceso despues cu testnan psicologico di e muher a haya negatief advies.
Asina mes Hollande a dicidi di duna e muher un amnestia total. Esaki ta di dos biaha cu e presidente ta haci uzo di e poder aki cu e tin.