Muhenan ciego ta yuda detecta cancer di pecho

0

CALI, Colombia- Leidy García y Francia Papamija ta dos di un grupo di cinco hende muhe ciego of cu bista malo cu ta traha den un hospital den e ciudad di Cali, Colombia. Por medio di tacto nan ta yuda detecta e cancer di pecho, e patologia cu mayor incidencia den e pais aki cu 7 mil caso nobo y mas di 2 mil caso di morto anualmente.
E muhenan aki a wordo instrui na 2015 cu un metodo di e dokter Aleman, Frank Hoffmann, cu decada pasa a señala cu e invidentenan tin facilidad pa detecta bultonan, cu por ta e prome manifestacion di e malesa aki, segun e agencia di noticia AFP.
“Personanan cu discapacidad visual tin un aumento di su sensibilidad, tin miho tacto y miho distincion di e elementonan”, e ciruhano Luis Alberto Olave, coordinador di e proyecto Manso que Salvan Vidas di e Hospital San Juan de Dios na Cali, west di e pais.
Leidy Garcia ta fula pecho di su pashentnan, guiando su mes di un cinta geel y cora, caminda na cada centimeter tin un bulto pa señala e bultonan localisa.
Di su banda, Papamija a admiti cu “ta un poco dificil” e situacion di splica e pashent cu mi a haya un bulto “fastioso”.
Den e hospital a encontra cu e checkeonan di e ayudante a haya resultado sensitivo “miho” cu esun di e evaluacion habitual, AFP a indica.
Fuente: http://www.ntn24.com

Comments

comments