WEST PALM BEACH, Florida – Un berdadero tragedia ta loke a biba den interior di un famia di West Palm Beach, Florida, unda cu tres chikito, un paar di morocho recien naci y un mucha muhe di solamente dos aña, a keda sin mama y tata, despues cu su mayornan a muri cu poco ora di diferencia.
E teribel storia a cuminsa dos siman pasa, ora cu tata di e menornan, Jevaughn Suckoo, di 26 aña, a wordo haya sin bida parti paden di su cas, aparentemente asesina, sin cu ainda conoce kende a comete dicho crimen.
Tres dia despues, su pareha, Stephanie Caceres, a duna luz na un paar di morocho, kendenan el a dicidi yama Jevaughn Jr. y Lailah. Contrario pa loke bida tin prepara p’e, e mama a publica un mensahe riba Facebook, unda cu el a papia con e tabata sinti cu yegada di su chikitonan y perdida di su casa.
Oranan despues di e publicacion aki, Stephanie a acudi na e entiero di Jevaughn, caminda el a cuminsa sinti su mes malo, di cual e mester a wordo hiba pa hospital, unda cu oranan mas despues, el a fayece. Dokternan a indica cu e muhe a perde su bida pa motibo di un infeccion na e herida di e cesarea.
Mayornan, famia y amigonan di e fayecidonan actualmente ta recaudando fondo pa por saca e tres chikitonan p’adilanti cu, di forma inespera, a keda huerfano.
Fuente: www.laopinion.com