MOSCU, Rusia- Un muhe di e ciudad di Moscu a fayece despues di a saca un selfie den su badkuip, segun medionan local.
Tur cos ta indica cu e tragedia cu a tuma luga dia 7 di Februari ultimo, tabata pa motibo cu e telefon di e victima a slip for di su mannan yena di habon y cay den awa. E telefon tabata geplug. E portal Mash a destaca cu e muhe tabata tin custumber di saca su potret mientras e ta disfruta di un baño.
E curpa sin bida di e muhe, di 42 aña, a wordo haya pa su yiu, cu tabata preocupa ya cu e mama no tabata contesta. E muhe tabata tin mas di un hora den baño.
E hoben a hay’e obliga pa kibra e porta y ora cu el a wak su mama for inconsciente y cu e telefon ariba su pecho, el a tuma contacto cu servicio di emergencia. Paramediconan a constata morto di e señora.
Fuente: https://actualidad.rt.com