Muhe ta fayece despues di wordo kima cu awa cayente

0

EINDHOVEN, Hulanda – Un habitante di e institucion di cuido Landrijt na Eindhoven a fayece despues cu’n co habitante di e instituto a tira awa cayente ariba dje. E incidente a tuma luga diadomigo y señora a fayece dialuna, segun a wordo confirma door di Ministerio Publico.
E sospechoso di 46 aña di edad procedente di Eindhoven a wordo deteni ariba sospecho di asesinato no premedita. E tin un pasado psikiatrico y tabata kedando a base boluntario den e instituto.
E sospechoso a presenta dilanti hues comisario diaranson kende a dicidi cu e homber lo keda deteni. Peticion di fiscal pa e sospechoso wordo interna den e Centro Pieter Baan a wordo honra.

Fuente: http://www.msn.com/nl-nl/nieuws/binnenland/

Comments

comments