Oklahoma, MERCA – Na momento cu e mama a ricibi e noticia cu su yiu muhe cu e ta sperando su celebro no a desaroya, ela tuma e decision cu tabata rekeri balentia y forsa, pa sigui cu su embaraso y asina trece su yiu na mundo pa haci donacion di su organonan. Esaki ta pa e organonan di Eva lo por yuda otro babynan cu kisas tin mester di dje.
E historia tristo aki a kibra curason di hopi hende, incluso di tata di e baby, e redactor di ESPN Royce Young, kende a bisa cu “lo ta iresponsabel pa acepta e donnan cu Eva tin y no comparti esaki cu otronan”.
E pareha Young a haya sa di e condicion di Eva despues cu nan a haci un echo di e baby na di 19 siman di embaraso.
Segun e pareha, e tabata un decision duro, cu ta manera cu ta wak bida for di otro angulo. E mama cada rato ta wordo recorda cu e tin den su vientre un baby cu lo no tin bida, ora cu e baby scop. E decision di haci donacion di e organonan di Eva no tabata e unico rason. E pareha a ripara cu nan yiu ta bibo y cu e merece di conoce su mama y su tata.
Eva lo tin un bida, aunke sea cortico. Lo duna su organonan den donacion y e lo haci mas di loke su mayornan a haci durante nan estancia riba mundo.
E nacemento di e baby ta programa pa dia 7 di Mei proximo.
Eligi no kiermen solamente caba cu algo. Eligi por significa bida tambe.
Fuente: CNNenespañol