NEW DELHI, India- Un asesinato macabro a tuma luga den e ciudad di Kotah, estado di Rajasthan, India. Un muhe a wordo kima bibo pasobra el a resisti na su violacion.
Rambharan Yadav, di 31 aña, a purba abusa di Reena Koli, di 35 aña.
Un homber, obrero den e estado ey, a rabia ora cu e muhe a evita di tur manera di e atakenan sexual. Na e momento ey, el a basha kerosin riba dje y el a sende na candela. El a huy despues.
Times of India a informa cu e asesina a yama su victima pa bin su cas pa despues e atake tuma luga.
Esaki a tuma luga diabierna ultimo. Yadav a wordo deteni pa polis diadomingo den un station di trein na Chepabarod.
Koli a wordo hiba cu urgencia pa un hospital di e zona unda el a muri algun hora despues, door di e kemaduranan.
Sin embargo, segun autoridadnan, e victima, prome cu el a fayece, a logra duna un declaracion cu e resulta clava pa captura di su asesino.
Fuente: https://www.infobae.com