SAN LOUIS, Missouri — Un hurado di Merca a concede un indemnisacion record di 110,5 miyon di dollar na un muhe den e demanda mas reciente caminda cu e ta alega cu e talco pa baby di Johnson & Johnson ta causa cancer.
E decision di e hurado na San Luis, tuma diahuebs anochi, ta faborece Lois Slemp, di 62 aña, residente di Wise, Virginia. A tuma luga despues cu tres hurado anterior den e mesun ciudad di Missouri, lo a otorga un total di 197 miyon di dollar na demandantenan cu a presenta demandanan similar.. E casonan aki, cu ta inclui loke tabata e indemnisacion mas halto otorga, te e momento ey, di 72 miyon di dollar, ta tur bao di apelacion.
Slemp, diagnostica cu cancer di ovario na 2012, ta culpa e uzo durante mas di 40 aña di productonan di e compania cu ta contene talco, di su enfermedad. Su cancer a extende pa su higra y tabata demasiado enfermo pa asisti na e huicio. Tribunal di henter Merca ta procesando mas of menos 2000 demanda estatal y federal pa temor riba problemanan di salud causa pa e uzo prolonga di e talco den polvo.
Fuente: Associated Press