RIAD, Saudi Arabia- Polis di Saudi Arabia a detene un hoben cu a desata un polemica riba rednan social den weekend pasa, ora cu el a publica un video unda cu e tabta bisti “cu paña indecente”. Oficina di Fiscal General ta trata su caso.
Concretamente, e video ta mustra un muhe, cu segun informenan ta trata di un modelo yama Khulood, canando cu un blusa manga cortico y un minirok, den un fortalesa historico bashi na Ushaiager, un pueblo noord di Riad.
Di biaha, un multitud di internauta a reacciona cu indignacion riba rednan social, dirigiendo criticanan duro contra di e hoben y a pidi pa e wordo aresta pa viola e reglanan di vestimento di e reino Saudita, unda cu muhenan mester bisti shimisnan largo y hancho, conoci tambe como abaya y e mayoria ta cubri nan cabey y nan cara cu un velo preto.
“Esun cu no ta respeta e reglanan di e reino, no ta merece di biba aki”, un internauta a scirbi. “Loke el a haci no por wordo considera “libertad personal. E tabata kier a provoca hende pa bay contra di e normanan social di e pais. E mester wordo castiga pa esaki”.
Sin embargo otro usarionan a defende cu e libertad di vestimento no mester wordo considera un crimen y a afirma cu si e muhe tabata stranhero, tur hende lo ta papiando di su beyesa y no di otro cos.
Fuente:.https://actualidad.rt.com
http://https://youtu.be/goKgvNQVZTE