ESSEN, Alemania – Un muhe di 37 aña a fayece di sarampi den e ciudad Aleman di Essen. E muhe a muri door di e malesa, apesar cu e tabata den cuidado intensivo den un clinica universitario.
E centro pa salubridad publico na Noord Rijnland-Westfalen a informa diamars cu te cu medio Mei den e estado aki, 381 persona a keda registra cu e malesa aki.
Esaki ta un aumento substancial compara cu aña pasa, ora cu e casonan total tabata 28. Tambe e bista nacional a mustra un aumento fuerte. E muhe ta e prome morto pa e aña aki.
Alemania, mescos cu Hulanda tin un programa di vacuna pa sarampi. Segun e Instituto Robert Koch na Berlin, cu ta vigila e prevencion di e malesa pa Gobierno, tres hende riba mil caso ta fayece di sarampi. Cu e yegada di hopi imigrante na Alemania, e chens pa contagia cu e malesa a crece. Relativamente poco imigrante a laga nan mes vacuna.
Fuente: www.nu.nl