OLDENZAAL, Hulanda- Durante un dia di schoolreisje cu muchanan di un scol basico na Oldenzaal, docentenan a lubida riba un di nan alumnonan.
E muchanan di tweede y derde klas a bay hunto den tres bus riba un schoolreis pa e Juliatoren na Apeldoorn. Na final di dia, despues di dia agita y despues di a come un ice cream, algo a bay malo, ora di forma grupo di dos y dos. A conta e cabesnan, tur cos tabata parce di ta na ordo, tur mucha a subi den bus. Tur cos tabata bayendo perfecto te ora cu un docente a haya un yamada bisando e docente cu ainda tin un mucha di nan scol den e parke di diversion. E mucha no a ripara cu tur su amiguitonan di scol a bay caba. Ora cu el a ripara cu ta mucha di otro scol so e ta wak, el a bay cerca un trahado di e parke. E trahado a calma e mucha y a yama scol.
Un mayor a wordo pidi pa busca e mucha cu a keda tras na e parke. Un final felis, tur hende contento. “No tabata tin sprake di miedo, y tampoco di panico, cerca niun hende”, segun e director di e scol, Paul Kamphuis. Con esaki por a pasa? “Algun di e muchanan a cambia di luga na caminda bek pa scol, e ora e overzicht no tabata completo mas”.
Fuente: www.detelegraaf.nl