Chicago, MERCA- Un mucha muhe di 15 aña a wordo abusa door mas di un persona, mientras cu probablemente tabata tin decenas di hende tabata wak esaki via Facebook Live. Pero niun hende no a yama polis. Ta te ora cu e mama di e victima a wak e imagennan, cu a tuma accion.
E mama a bay na un hefe di polis local, durante cu esaki tabata den un conferencia di prensa. Ora cu ela caba cu esaki, e mama a confronta e polis cu e imagennan di e sucedido. E victima a wordo hiba hospital diamars. E buskeda pa e burdugunan ta continua.
Facebook via un comunicado a papia di “crimen hororoso” y a bisa di no ta acepta sorto di imagennan asina aki. Si e video a wordo comparti, of si mas hende a raporta e video, no ta conoci.
Actualmente Facebook ta trahando ariba tecnologianan caminda cu Livestream por wordo vigila, contra di “desnudez, violencia of otro hechonan cu no ta cuadra”.