CESAR, Colombia – Autoridadnan ta intensifica investigacionnan pa haya e responsabelnan di a asesina un menor di apenas cuater aña, di cual curpa a wordo haya sin bida sin paña y cu aparente señalnan di violencia sexual na un scol di e municipio di Curumani, na Cesar.
Segun e prome versionnan, e mucha – kende a wordo identifica como Johan Rodriguez – a wordo haya pa otro menosnan den un sector di e scol Camilo Torres Restrepo. “Nan a yega, nan a mira e e mucha eynan y a avisa e encargado di e scol, kende inmediatamente a reporta e caso,” Edward Ramirez, un di e vigilantenan di e institucion a bisa Noticias Caracol. Apesar cu e paradero di e menor tabata desconoci desde varios ora, su famia nunca a reporta e hecho. Hasta, autoridadnan a revela, e mama di e mucha a wordo informa di e hayasgo di e curpa di su yiu, door di su bisiñanan.
“Despues di dialoga cu e mama di e mucha, e ta menciona cu e ultimo biaha cu el a mira e mucha tabata 7’or di anochi (di diasabra), pero esey no tabata straño pa e mama. E no ta duna aviso na autoridad y no ta informa di e hechonan na Polis Nacional. Ta mas ainda, e ta wordo alerta di e ubicacion di e curpa di su yiu, pasobra un hende ta acerca te su cas y ta inform’e,” coronel Diego Rosero, comandante di Polis di Cesar, a alert’e.
E menor tabata biba den e bario Buenos Aires di Curumani cu su mama y un ruman homber di dos aña. Segun e comunidad di e sector, ambos menor tabata pasa frecuentemente cera den cas of riba caya te oranan laat di anochi.
E curpa di e mucha a wordo hiba na Medicina Legal na Valledupar pa realisa e analisisnan respectivo y determina si e tabata victima di abuso sexual.
Fuente: El espectador