Diaranson anochi un mama ta yega centro medico cu un criatura di 5 aña cu basta golpi na cabes. Segun e version di e mama cu e mucha a cay den e parke cu tin den Esso Heights. Pero e dokternan na Centro Medico a tuma nota tin mas pleknan di golpinan na e curpa y a dicidi di yama ambulance pa bay cu e mucha cu urgencia Eerste Hulp.
Na Eerste Hulp e dokternan a tuma nota di e situacion y haci un scan cu e criatura y notifica departamento di slachtofferhulp cu despues a yama JZP di Cuerpo Policial pa presenta pa asina start un investigacion. E mucha a bay den cuido intensivo debi na e golpinan serio na cabes y curpa.
Mientras e mama ta declara cu e mucha a cay den e parke. Esaki a pone cu for di diahuebs anochi laat tin un investigacion grandi andando. Famianan diabierna a sali haci denuncia publico riba media social.
Diabierna atardi e mucha a muri na Hospital. A detene su mama di inicial F. y su stiefvader di inicial M. awetardi. Fiscal di husticia a laga confisca e restonan mortal. Autopsia lo tuma lugar dentro di corto.