SANTIAGO, Chile- Un mucha di tres aña tabata hungando “bende cocaina” na su compañenan di crèche. El a wordo descubri pa e personal di e centro escolar cu a alerta autoridadnan.
E mucha, cu anteriormente a laga cu papelito cu droga cay for di e transporte escolar, pa cual e chauffeur a avisa e juffrouwnan di scol di biaha. Esaki a sosode na Santiago, capital di Chile.
Mientras cu e docentenan tabata alerta polis di Investigacion (PDI), e mucha tabata grita mei mei di e patio di e crèche: “mi ta bende, mi ta bende”.
Na yegada di autoridadnan, nan a bin haya 17 envelop cu alcaloide den poder di e mucha. Despues di e hallazgo, nan a bay na e cas di e menor, unda cu nan a bin haya 30 envelop mas cu e mesun substancia y un arma di fabricacion casero.
Ambos mayor, di 18 y 20 aña a wordo deteni pa delitonan di trafico y posesion ilegal di arma.
E mucha y su ruman di cinco luna a keda den custodia di e Servicio Nacional di Menor (Sename).