PARIS, Francia- Un mucha muhe a fayece ora cu un auto a pasa den e vitrina di pizzeria na Paris dialuna anochi. E prome declaracionnan ta indica cu autoridadnan ta descarta e pista terorista.
Segun informenan, e sospechoso cu a wordo deteni un rato despues di e incidente, tabata tin intencion di comete suicidio.
E homber a drenta cu su auto den e vitrina di e pizzeria situa den e localidad Sept-Sorts, oost di Paris.
E mucha muhe di 13 aña a fayece mientras cu cuatro mas ta herida den estado di gravedad, y tres ta levemente herida. E ruman homber chikito di e fayecido ta un di e heridonan di gravedad y su pronostico ta reserva. Autoridadnan ta trata e caso aki como un acto delibra, ya cu e no tin nada di haber cu’n atake terorista.
E homber sospechoso, naci na 1985, no ta un desconoci pa e servicionan di inteligencia y tampoco pa husticia.
E incidente a tuma luga den un contexto di amenasanan serio di terorismo na Francia y cinco dia despues di un atake cometi contra di un grupo di militar.
Fuente: https://www.afp.com/es/noticias