MAJACHKALA, Dagestan – Un mucha di 11 aña a muri dialuna y otro tres a resulta gravemente herida, ora cu un granada cu e menor a hiba scol den e republica di Dagestan, autoridadnan di e republica di Caucasus Nort Ruso a informa.
“E alumno di e di 8 grado kende a hiba un granada den klas, a wordo deteni,” un vocero di e ministerio di interior di Dagestan a bisa na e agencia RIA Novosti.
Polis, e funcionario a splica, “ta purba di averigua di unda el a saca e granada y dicon el a hib’e scol.”
“Segun el a bisa investigadornan, el a haya e granada riba caya y el a hib’e pa e local di informatica,” unda cu e artefacto a rementa, e ministerio a señala.
Otro shete adolescente a resulta herida den e incidente, tres di nan menos grave, autoridadnan a precisa.
E studiantenan a wordo hiba pa un hospital, mientras cu e hospital central di e capital Dagestani, Majachkala, tabata cla pa “ricibi e heridonan mas grave,” un vocero di e autoridadnan sanitario di e region a splica.
“Na e momentonan aki, un helicopter di e ministerio di Situacionnan di Emergencia a wordo manda hospital. E dokternan di e Centro di Medicina di Catastrofe lo evalua e situacion y duna ayudo na e muchanan hospitalisa,” el a agrega.
Fuente: NTN 24