Diaranson atardi ariba e caminda di Tanki Leendert pa Kamerlingh Onnestraat a sucede un accidente basta fuerte na momento cu un truck ta bay lora na su man robes, un brommer biniendo su tras a dal basta duro. E homber riba e brommer a bula y bay cay algun meter leu. El a haya golpinan fuerte na curpa y asta na su pia, ambulance a presenta cu urgencia na e sitio pa atende cu e victima. Polis di trafico a cuminsa cu un investigacion pa midi e distancia di e vehiculonan. Ta bon pa automobilistanan paga tino prome cu lora na sea man robes of drechi wak den bo tres spielnan.