Diadomingo marduga autoridad a keda informa cu lo tin un accidente basta fuerte na e luznan di trafico di Noord altura di misa Santa Anna. Patruyanan policial di Noord y Flex a presenta inmediatamente na e sitio.
Na e sitio Polis a constata cu e scooter gilera blanco biniendo for di nort yegando e luz di trafico a sigui straight bay dal basta duro contra un di un Honda CR-v blanco biniendo for di zuid pa bay lora bay direccion Palm Beach.
Motociclista a comenta polis yegando e luz trafico a mira e luz bira orañe y a trot pe por pasa net na tempo pero tog a dal den e auto cu net su luz a bira berde seconde despues.
E impacto tabata fuerte y e dama pasahero riba e scooter a dal su cabes den e windshield di e auto y a haya un kap basta profundo. Ambulance tabata presente pa asina atende cu e victima. Polis a tuma e scooter sin documento den beslag.