Motibonan pakico bo tin e wowonan hincha

0

Lanta cu e wowonan hincha ta un gran problema pa hopi hende, specialmente si bo tin mester di yega trabao cu un aspecto briyante y alerta of si bo ta cansa di enmascara e hinchason cu make up. Ainda ta pio, ora cu e hinchason ta compaña pa sconan grandi bao di e wowonan, iritacion, wowonan cora y ohera. Tur esaki por afecta bo autoestima.
Dicon e ta sosode? Hopi cos por contribui na e hinchason di e wowonan, pero e causanan subyacente tin di haber cu e acumulacion di likido bao di bo wowonan. Pa rasonnan desconoci, e likido por acumula rond di e wowonan y e tehido circundante di e piel. E tehido aki ta un di esunnan mas fini di bo curpa, di cual cualkier hinchason eynan ta facil pa mira y dificil pa sconde.
Algun di e causanan di e retencion di likido aki ta relativamente inofensivo y no ta relaciona cu un cuestion mas grave, manera no drumi lo suficiente of consumi alimento cu demasiado sodio. Otro biahanan, e hinchason ta un señal cu bo mester wordo trata pa un dokter, manera un infeccion. Pero, ki mas rason por tin cu e wowonan ta hincha? Con esaki por wordo soluciona?

Bo tin alergia
E piel rond di bo wowonan ta hopi fini y esey ta haci cu e ta extremadamente sensibel. Ora cu e piel ta drenta den contacto cu alergenos cu ta flota den aire manera polen, caspa di animal of stof, nan por hincha. E alergenonan ta yega na bo wowonan atrabes di nanishi.
Si e alergia ta rason di bo wowonan hincha, ta probable cu tambe bo ta padece di grawatashi y lagrimeo of hasta sekedad den bo klepnan di wowo. Pa reduci e hinchason induci pa alergia, bo por purba gotanan pa wowo sin receta of un enhuage cu solucion salina, cu ta laba e alergenonan di bo wowonan. Pa e cueero irita, inguentenan por calma y alivia e cora. Pero si bo ta wak cu e hinchason no ta pasa, e ora bo mester acudi na bo dokter pa sa exactamente kico ta e problema y pa e indicabo e tratamento adecua, ya cu abusa di productonan no ta adecuado y ademas e por empeora e problema y genera dependencia.

Bo tin wowitis
Si bo tin wowitis, bo wowonan lo hincha y ademas ta un condicion hopi contagioso. E ta dificil pa sa di wowitis ta wordo causa pa un virus of un bacteria. Normalmente e sa tin un descarga manera agua, di color cla, ora e ta virico. En cambio, ora esaki ta wordo causa pa un bacteria, e ta wordo caracterisa pa un secrecion di color berde geel.
Si bo tin wowitis y ta wordo causa pa un infeccio viral, tambe e por ta pa un verkoud. Den e casonan aki e por ta asocia cu un infeccion respiratorio superior, cu hopi biaha ta cuminsa na un wowo y ta sigui pa e otro.
Wowitis por dura mas of menos 10 dia, pero bo mester acudi na bo dokter pa e perscribibo e miho tratamento, dependiendo e tipo di wowitis cu bo tin.

Bo a tuma demasiado sodio
Sodio y conexion di e wowonan hincha ta simpel: sodio ta haci cu bo curpa ta retene likido y esaki ta inclui e tehidonan rond di e wowonan. E sodio ta e mineral principal den salo, mescos cu alimentonan di salo, ta culpabelnan principal pa bo tin e wowonan hincha.
Sodio tambe ta scondi den un ton di productonan di bleki, incluyendo pan, sopi y cumindanan frozen.
Personanan cu ta come alimentonan cu ta contene demasiado sodio, tambe por tin retencion di likido. Ta necesario pa bo reduci e consumo di sodio pa por caba cu e hinchason di wowo. Si bo tin mester di ayudo pa ekilibra bo dieta, no duda den acudi na bo dokter pa e por orientabo.

Fuente: www.bekia.es