GHENT, Belgica – E morochonan masculino mas bieu na mundo a celebra nan cumpleaños diasabra. Pierre y Paul Langerock di Belgica, kendenan actualmente ta mantene e record pa ta e morochonan masculino mas bieu na bida, di acuerdo cu Guinness World Records – a cumpli 104 aña.
E rumannan centenario aki a biba hunto pa mayoria parti di nan bida y ambos a biba como magistradonan di corte, di acuerdo cu Associated Press. Actualmente nan ta comparti un camber den e cas di anciano net pafo di e ciudad Belga di Ghent.
Ambos a keda soltero durante nan bida “pasobra nan semper a desaproba nan parehanan”, segun AP a reporta. E rumannan Langerock a revela aña pasa cu nan no ta lamenta pa no tin yiu of nieto, pero si nan a bisa di ta contento cu nan tin otro como miho amigo, di acuerod cu Reuters.
E rumannan Langerock ainda tin dos aña pa bay prome cu nan por gara e record mundial di ta e morochonan mas bieu. Glen y Dale Moyer di Merca, actualmente ta mantene e record, kendenan cada un a keda na bida pa casi 105 aña prome cu Glen a fayece. E record mundial overal pa e morochonan mas bieu na bida a wordo manteni pa e rumannan Kin Narita y Gin Kanie di Hapon, kendenan a biba pa ta por lo menos 107 aña, prome cu morto di Kin, na 2000.
Fuente: http://time.com