Segun e corant virtual Noticias al Dia y a la Hora, nan a asesina nan primo, e ingeniero Xavier Otto Palmar Palmar, cu tubo riba su cabes, nan a desmembra su curpa y a der’e den e patio di su cas. E crimen nan a planifik’e cu e intencion di hort’e placa cu e tabata tin warda den su pickup.
E berdad
E famia di e victima a denuncia cu ambos ta scondi na Aruba. Polis cientifico a informa cu nan lo solicita na Interpol un difusion cora pa apresa nan.
German a señala Gabriel como autor intelectual. Nan a descubri nan despues di a warda e truck di Palmar na nan residencia. Oficial y su famianan a tarda un aña den haya e restonan. Nan a der’e bao di un base di concreto na un meter di profundidad.
E prome wesonan a wordo exhuma diabierna atardi. Diasabra nan a bin haya cu parti di e columna vertebral. “Nos ta bay coba den henter e patio si ta necesario te ora cu nos haya su ultimo weso,” su prima Jesika Gonzalez a declara. Por lo menos 30 miembro di famia a participa den e buskeda.
“E restonan haya lo wordo manda pa e laboratorio forense pa asina haci pruebanan di DNA y di no tin reactivonan pa e evaluacio nos lo solicita e apoyo di e Instituto Venezolano di Investigacionnan Cientifico (Ivic), pa determina si e restonan haya ta di Xavier Palmar,” un funcionario di polis cientifico a declara.
Fuente: http://www.noticiasaldiayalahora.co