Bo a tende di moringa? E mata aki ta causando basta sensacion den e comunidad di salud. Tambe conoci como drumstick of Malunggay, matanan di moringa hopi biaha ta wordo uza den delicadesnan Indio pa nan sabor y textura unico.
E mata di Moringa por wordo haya den partinan nativo di Africa y Asia y cada parti di e mata aki, manera e fruta, flor, rais y basto, por wordo comi y e ta rico den nutriente.
No tin mester pa laga tur cos bay perdi
Kico ta haci Moringa asina maraviyoso?
Laga nos compara moringa cu algun cuminda y productonan saludabel comun cu nos ta consumi, pa mira kico ta e big deal regarando e mata aki:
E simiya di Moringa ta produci e azeta conoci como Ben Oil cu ta similara na e azeta di oliva, si mira e parti di nutricion. E azeta aki ta rico den antioxidante y no manera otro azetanan, tin un fecha di vencimento indefini.
Spinazie pa hopi tempo a wordo aprecia como uno fuente rico den hero, pero blachinan di moringa tin tres biaha mas hero cu spinazie.
No tin nada mas miho cu un kopi di koffie pa lantabo mainta… por lo menos esey ta loke bo t apensa te ora cu bo bebe e te di Moringa. E blachinan di moringa tin propiedadnan pa boost bo nivel di energia naturalmente y mantene nan activo pa un periodo largo di tempo.
Bo a tende cu wortel ta bon pa bo wowonan, pa motibo di nan contenido halto di vitamina A, pero moringa tin cuater biaha e vitamina A cu wortel per gram. Moringa tambe ta un bon fuente di beta-carotene.
Bo ta un di e hendenan cu ta tuma multivitamina? Suplementonan di Moringa, cu ta traha di blachinan di moringa, ta wordo bisa cu ta miho cu mayoria di e suplemento y vitaminanan riba mercado, pasobra nan no ta uza ingredientenan sintetico.
Moringa tin dobbel e proteina haya den yogurt pa gram.
Moringa tin tres biaha e potasio haya den bacoba per gram.
Moringa tin shete biaha mas vitamina C per gram di apelsina.
Moringa ta bon pa bo wesonan tambe. E tin cuater biaha e calcium di lechi per gram.
Moringa tambe ta contene numeroso componentenan poderoso anti-cancer, manera kaempferol, rhamnetin y isoquercetin. Awo, investigadonan ta descubriendo cu Moringa tin potencial anti canceroso cu resultadonan positivo cu e ta bringa cancer di ovario, cancer na higra, cancer na pulmon y melanoma den testnan di laboratorio. Por fabor nota cu tin un caminda largo prome cu Moringa por wordo confirma cu e ta un cura pa cancer, pero e tipo di estudio aki ta importante pasobra e ta indica e potencial pa un starting point pa un remedi di futuro. E ta specialmente interesante pasobra Moringa ya caba ta den uzo comun – no solamente den herbalismo, pero den un variedad amplio di otro aplicacionnan.
Aki tin algun di e beneficionan adicional di e mata di moringa.
E por wordo uza pa purifica awa
Ta contene nuebe amino acido esencial, 27 vitamina, 46 antioxidante y hopi minera.
E por mehora lactancia humano.
E por trata un variedad di malesanan cronico, mordi, herida y otro keho.
E ta un poderoso skin cleanser y ideal pa mantene un cabey saludabel y vibrante.
E no tin efectonan secundario. E mata di moringa ta safe pa tanto mucha como adulto.
Fuente: http://theheartysoul.com