Mircla Nava ta PR Marketing & Educatie di Stichting Monumentenfonds. Nan ta celebrando nan di 21 aniversario. E ultimo añanan nan ta celebr’e na un manera diferente. Ta corda cu pa nan di 19 aniversario, nan a tene un Openmiddag, caminda cu a lag e hendenan cera conoci cu nan oficina, un tiki mas di nan trabao.
Aña pasa e tabata grandi, celebrando nan di 20 aña. E biaha aki e ta diferente, caminda cu nan a inaugura nan charging station pa vehiculonan electrico y panelnan solar.
Esaki ta diferente, segun Nava. Pasobra e ta marca un etapa nobo pa loke ta monumentonan y energia sostenibel.
Sa cu aña pasa, Monumentenbureau a presenta un handboek nobo unda cu ta guia doño di monumentonan, con pa mantene nan propiedad, teniendo cuenta cu e reglanan di beneficionan monumental. Algo nobo cu tin ta cu por haci uzo di panelnan solar of energia sostenibel riba e edificionan monumental. Tin regla mara na esaki, manera por ehempel cu nan por ta visibel for di caminda publico. Nan tabata e promenan pa duna ehempel di esaki. Hopi biaha e doñonan di monumento tin un tiki miedo pasobra nan no kier mantene nan mes na tanto regla. Nan tambe kier por adapta nan monumentonan y e fundacion tambe kier ta un ehempel cu si por. Tambe por contribui na un medio ambiente mas miho cu energia sostenibel door di haci uzo di por ehempel panelnan solar.
Banda di esaki, pa e fundacion e ta contribui na un rebaho di nan gastonan, cual ta yuda tambe cumpli cu nan meta di sigui preserva nan monumentonan pa futuro.
Ta importante pa tur contribui pa haci nos medio ambiente mas limpi y esaki ta locual Stichting Monumentenfonds kier ta un ehempel den dje. Ta contribui na esey y esey tambe ta duna un tiki bek na comunidad. Tin e charging station cu a wordo inaugura cu tur hende por haci uzo di dje completamente gratis y ta nan manera pa duna bek na nos medio ambiente y na comunidad y ta stimula tur hende tambe pa duna un tiki di nan parti tambe. Asina e doñonan di monumento cu si nan kier tambe kier haci uzo di energia sostenibel, esey tambe por ta posibel riba monumentonan, Nava a splica.