Aña 2016 pa Monumentenbureau tabata un aña exitoso caminda a realisa hopi trabao. E cuido di monumento ta consisti di tres organisacionnan. Monumentenraad ta duna conseho na e Minister y ta wordo scucha ora di indica un monumento pa proteccion y ora ta bay duna un permiso, despues cu e peticionnan a wordo controla door di Monumentenbureau. Fundacion Monumentenfonds cu ta encarga cu e parti financiero pa monumentonan. Monumentenbureau cu ta un departamento di Gobierno encarga cu tur asuntonan general di monumento, maneho, permiso, proteccion y educacion di monumento, restauraccion y tur asuntonan technico y alabes ta e instituto di conocemiento di monumento. Monumentenbureau a crece den personal y a realisa e siguiente proyectonan pa 2016:
Exterior y interior di Cas di Gobernador;
Scohe y ekipa tur muebelario di Cas di Gobernador;
Scohe y ekipa tur muebelario di tur espacionan publico den edificio Cocolishi;
Mantencion grandi di Algemene Rekenkamer;
Restauracion di Lighthouse California;
A prepara tur mapa y destaho pa Zuidstraat 7, cu ta edificio di AIB bank.
A diseña e Seyo di Monumento proteha;
A desiña e borchinan di informacion di monument y compila tur e textonan pa e mas di 35 borchinan di informacion;
Traha e Monumentenhandboek Aruba;
Lidera y organisa Paseo Monumental V;
Organisa e speurtocht pa Paseo Monumental;
Proteha edificionan monumental;
Trata varios permiso di monumento.
Actualmente Monumentenbureau ta preparando varios proyectonan pa 2017 y lo cuminsa cu un programa di tres aña na unda lo duna les di monumento na tur scol di Aruba. Directora di Monumentenbureau, sra. Yvonne Webb-Kock ta gradici tur su personal pa nan dedicacion diariamente ta efectua nan ofishi. Monumentenbureau kier a extende un Bon Pasco na tur nos relacionan di trabao y comunidad en general y cu 2017 lo trece hopi prosperidad pa un y tur.