FILIPINAS – Riba varios luga na Filipinas durante e ultimo dianan, bestianan straño ta caba riba e beachnan. Prome nan a haya riba e beach di Cagayan de Oro, un pisca gigantesco morto di varios meter. Awo, riba e islanan Dinagat, dos otro monster marino a yega tera. Loke nan ta, no a wordo bon stipula. E comunidad local tin miedo: nan ta mira den e bestianan un anticipacion di algo no mucho bon.
E ultimo monster tabata di 4.5 meter di masa blanco. E bestia tabata mustra mescos cu e tabata tin cantidad di tentaculo, pero e por tabata pida pidanan di carni door cu el a come otro bestianan. Biologonan, a base di analisisnan di potret, cu ta trata aki di un manatee (baca marino, manera e ta wordo traduci literalmente), cu a wordo destripa na pida door di un tribon. Solamente den e vecindario eynan, no sa tin manatee.
E spulamento di e animalnan aki no por wordo identifica como algo inusual. Hasta tin un nomber pa esey: “Globsters”. Hopi biaha ta trata di restonan di sekatnan gigantesco of hasta bayenanan chikito. Nan ta wordo mita comi door di piscanan y hopi biaha nan ta spula den masa di carni, sin cu nan ta wordo ripara. Den hopi cultura, e monsternan marino aki ta conta como cargadonan di mal noticia.
Fuente: FAQT