Den fin di siman tabata tin Colombia Open G1 ranking y Monica Pimentel a participa pa Aruba. Monica Pimentel a bringa e biaha aki den e categoria di -53 kilo, normalmente e sa bringa te cu -49kilo. Asina mes cu e la bringa den un categoria mas halto e la duna su fruto.
Monica Pimentel ta preparando pa e campeonato Mundial na Muju, Korea na luna di Juni y a bay midi forsa na Colombia Open. Monica Pimentel su plan di entrenamento ta bayendo ariba e bon caminda. Awor Monica Pimentel tin e siguiente campeonato ariba su plan pa asina e sigui midi forsa pa despues sigui cu su plan pa asina ta bon prepara na Korea.
Monica Pimentel a participa na e weganan Olimpico y awor ta lantando e nivel di training dia pa dia pa asina e ta bon prepara pa e campeonato Mundial. Cu e medaya di Brons na Colombia Open ta e comienso di tur e medayanan cu Aruba ta bay sigui haña for di nos streya Olimpico.
Aruba Taekwondo Bond” ARTBO” ta extende nan gratitud cu e logro aki di Monica Pimentel na Colombia.