LONDON, Inglatera – E aerolinea Britanico Monarch, a wordo declara den bancarota y a stop di opera dialuna, di manera cu el a cancela tur su vuelonan programa. E decision ta laga 110 mil pasahero den exterior, loke a obliga e Autoridad di Aviacion Civil di Reino Uni (CAA) na interveni y desplega mas di 30 avion pa repatria e afectado y e pasaheronan cu mester a bula awe, dialuna, 2 di October.
Otro 300 mil reserva a keda sin efecto.
E decision a afecta 69 operacion programa cu origen of destino na e aeropuertonan Spaño. E aeropuertonan di Alicante y Malaga tabata tin programa 12 vuelo cada uno; esun di Menorca, 10 y esun di Barcelona y Palma ocho cada uno.
69 vuelo cancela na Spaña
E di cinco aerolinea di Reino Uni y cu 2100 persona, e kiebro – e mas importante di un aerolinea di e pais – ta un situacion ‘sin precedente’, segun e autoridad competente. E vocero di CAA, Deirdre Hutton, a pidi e pasaheronan pasenshi y a señala cu e “gran mayoria” di e clientenan cu tabata tin premira bula dialuna pa Reino Uni, lo haci’e a lo largo di e hornada.
E minister di Finansas, Philip Hammond, a bay mas leu y a afirma cu e sector lo biba un ‘restructuracion’ tras di e kiebro di e aerolinea.
E autoridad ta interveni pa e pasaheronan no keda sin bula
Monarch mester a enfrenta dificultadnan den e ultimo añanan, specialmente tras e caida di e mercadonan turistico manera Turkia y Egipto pa e situacion di inseguridad den e paisnan aki, loke a oblig’e na competi den e mercadonan manera Grecia y Spaña. E aerolinea a transporta aña pasa 6.3 miyon di pasahero na cuarenta destino desde e aeropuertonan di Gatwick y Luton, na London y for di Birmingham, Leeds y Manchester.
E consehero delegado di CAA, Andrew Haines, a splica cu e prijs cu e “alcance” di e operacion di repatriacion lo provoca “inevitablemente” un alteracion den e biahe di e pasaheronan. “Nos ta pidi e clientenan pa nan tin pasenshi mientras cu nos ta traha contra holoshi pa trece tur hende cas,” el a añadi.
E minister di Transporte, Chris Grayling, a bisa dialuna cu el a dispone “e mayor repatriacion den temponan di paz” y a reconoce cu ta “un situacion hopi angustioso pa e turistanan Britanico cu ta den exterior.”
Fuente: http://www.lavanguardia.com