Un evento inaugural a tuma luga di e expansion Momo Tires cu ta ofrece productonan di ingenieria Italiano. El a bin hunto cu su partner exclusivo den e region cu ta trata di Altucar Aruba . Sr. Omar Calvo, Representante di Momo Tires pa Latinoamerica y el Caribe cu e desaroyo.
Cu e intencion pa emprende un proyecto pa e desaroyo di nan marca den e region, a cuminsa cu Aruba for di 4 luna pasa mirando hopi bon resultado. Nan ta duna respaldo y back up na nan distribuidor Altucar y ta gradici pa e aceptacion di e publico Arubiano.
Esaki ta un plan di expansion pa tur e islanan den Caribe. Aruba a wordo selecta como piloto cu hopi exito, caminda cu nan ta bin ofrece productonan na tur e segmentonan di e mercado, for di auto chikito y grandi manera taxistanan, vehiculo den area turistico, uzo familiar y ultra high performance pa esunnan cu ta gusta speed, entre otro.
Momo Tires ta contento di bin cu e emprendimento na Aruba, siendo cu nan tin tur e desaroyo y tecnologia cu ta proviniente di Europa cu nan fabrica na Hungria, c’un marca di mas cu 80 aña ariba mercado den accesorio di vehiculo, aunke como marca di tire nan ta jong cu apenas 8 aña den mercado Europero, 5 aña na Latinoamerica y yegando den Caribe cu nan distribuidor partner Altucar.
Un punto interesante ta cu e tirenan aki a wordo diseña cu un tecnologia pa resisti y wordo uza den region di Latinoamerica, Centro America y den Caribe caminda nan a wordo purba den e clima cu ta diferente di esunnan na Europa. Por ultimo e tirenan tin e compuesto y resistencia pa por traha riba salpeter , clima hostil cu un rendimento maximo na Aruba.
Ta invita na tur e publico di Aruba pa yega na Centro di Servicio di Altucar y conoce e marca nobo Momo cu fabricacion di garantia di 5 aña comproba. Te asina leu, e declaracionnan di Sr. Omar Calvo, representante di Momo Tires na Aruba.