BRASILIA, Brazil- Den algun ciudad di Brazil, personanan a sali riba caya diadomingo pa pidi e renuncia di e presidente Michel Temer, kende den e ultimo siman aki tabata involucra den escandalonan di corupcion.
Na Belo Horizonte, capital di e estado di Minas Gerais, cientos di persona a congrega. Na Brasilia, por lo menos 300 persona a mobilisa pa un di e principal vianan di e ciudad, segun un reporte di e agencia EFE.
Ademas, e manifestantenan ta pidi tambe pa eleccionan directo si Temer presenta su renuncia of si e wordo destitui.
Ta wordo spera cu e mobilisacionnan aki wordo realisa den e principal capitalnan di e pais y cu lo conta cu asistencia di hopi mas manifestante na Sao Paolo, diadomingo atardi.
Otro cu a pidi e salida di Temer recientemente tabata e ex- president Luiz Inacio Lula da Silva.
Michel Temer a wordo acusa door di un comerciante di a ricibi sobornonan for di 2010 y di supuestamente a bay di acuerdo pa cumpra e silencio di un ex- diputado cu actualmente ta cera.
Fuente: www.ntn24.com