Tabatin varios polis riba pia pa loke ta e actividad di Hebbe Hebbe y tabatin un team di Mobiele Eenheid tambe patruyando den area. A tene varios listramento tanto den Ranchostraat y bisindario. Unda a gara persona cu droga y a keda deteni.
Dilanti BaraBar tambe a tene listramento riba grupo di persona pafo y dos persona a keda deteni. Den area di Seroe Blanco polis a sigui un auto cu algun persona aden, y durante e listramento riba un homber a haye cu marihuana den su poder y a keda deteni tambe.
Na Seroe Patrishi a detene un dama pa falta di respet pa autoridad. Asina e listramento a sigui mas caminda. Altura di veld di Aruba Juniors a listra un persona den un yaris y haye cu arma blanco y a keda deteni. Riba Emmanstraat a para un auto cora sospechoso cu algun persona aden, y a controla e personanan y listra den e auto.