Manera ta conocir Santa Rosa ta promovee extensamente plantamento di fruta y berdura local, cual ta trese cune bentahanan nutritivo y economico pa e consumidor.E consumo di fruta y berdura ta sumamente importante pa e salud di e ser humano y mirando e prijsnan mundial di e dos productonan aki y e tera fertile cu Aruba ta disfruta di dje, Santa Rosa ta sigui conseha pueblo completo pa uni na e bunita practica di plantamento na cas.
Matanan local ta produci fruta y berduranan liber di pesticida cual por trese efectonan negativo pa e salud di e consumidor. Un otro ventaha di matanan planta na cas ta cu unabes planta e gastonan di mantencion ta minimo tanten cu e produccion di fruta ta hopi, pues alimentando hopi na un costo baho.
Un di e frutanan cu ta contene balornan nutritivo essenacial pa e salud di e ser humano ta e fruta di Mispel, cu ta famia di e apel y peer.
E fruta di mispel no solamente ta delicioso sino tambe ta contene un cantidad halto di nutrientenan manera fibra y vitamina C, cual ta aporta na e funcionamento adecua di e pulmon y tripanan.
E mispel por wordo consumi su so of den forma di juice of batido. Tambe hopi biaha e ta wordo usa den icecream, bolo y tert.
Matanan di mispel di diferente tamaño por wordo cumpra na Santa Rosa cla pa wordo planta na cas.
Santa Rosa ta invita pueblo completo pa pasa mira y cumpra matanan di fruta y berdura y asina cuminsa traha riba bo mes un plantacion y alaves cuida bo salud y esun di bo famia
Loading ...
