Fundacion Misioneros di Jesus Aruba hunto cu nan Director spiritual Pastoor Jairo Maduro tin e grato placer di invita comunidad di Aruba pa un “Congreso di Fe, Sanacion y Liberacion”. Durante e congreso lo tin como invitadonan Reverendo Pastor Marcelino Hudgson Reeves for di Colombia, y Reverendo Pastor Jairo Maduro di Aruba como predicadonan.
Manera tur aña e Fundacion di Misioneros di Jesus Aruba ta organisa un congreso unda cu un cantidad grandi di fielnan di Aruba ta bini hunto p’asina scucha mas di e palabra di Señor, y asina tambe sigui aumenta nan Fe y haya sanacion spiritual y fisico.
E congreso tin un duracion di 3 dia, cual lo tuma luga riba e dianan 25 – 26 – 27 di Mei 2018 na Centro San Martin na Santa Cruz. diabierna ta di: 07.00 pm – 10.00 pm. Diasabra y diadomingo ta di: 10.00 am – 04.00 pm. Riba e tres dianan aki e entrada ta unicamente 10 florin pa dia. unda cu lo bay tin na final un Santo Sacrificio di Misa riba diasabra y diadomingo.
Carchinan ta obtenibel cerca Nayo Schoop y pa mas informacion por yama na: 730-2055 of bishita e pagina di Facebook di Misioneros de Jesus Aruba. Cupo ta limita.
Misioneros di Jesus kier gradici tur persona y instancia cu di un of otro forma ta yudando pa haci evento aki realidad.
Comunidad completo di Aruba ta keda cordialmente invita pa pasa busca bo entrada y asina ricibi e sanacion y liberacion tan anhela.