MADRID, Spaña – Ministerio Publico a pidi hues pa procesa e futbolista Neymar, su tata, ex presidente di Barca, Sandro Rosell, FC Barcelona y su ekipo anterior, Santos Futebol Clube di delitonan di corupcion den negoshi y estafa pa e supuesto engaño den prijs di su traspaso pa e fondo Brasileño DIS, gestor di 40% di e derechonan di e futbolista.
Hues di Audiencia Nacional, Jose de la Mata, a archiva den unprome momento di e caso aki, pa no detecta e delito, pero Sala Penal a haci cu e archivo a wordo revoca y a oblig’e pa procesa esaki. Como respuesta na e orden aki, De la Mata a dicta un sentencia, caminda cu directamente tabata pidi na e acusacionnan pa wordo presenta por escrito di e acusacion haci, pa habri un huicio oral, obviamente e tramite di ciere di e sumario y pasa pa e procedimento abrevia (ekivalente na e procesamento) pa awor aki, cu e Fiscalia ta pidi pa procesa esaki.
Ta considera cu Neymar, su tata, Rosell y ex presidente di Santos, Odilio Rodrigues, mescos cu dos club como personanan huridico, incuri den e delitonan di corupcion den negoshi y estafa impropio den e proceso di fichahe di e hungado di parti di Barca, desde e club Brasileño, Santos.
E paso previo aki pa mira e futbolista Brasileño aki sinta riba banki pa di dos biaha pa motibo di e causanan cu a haci cu husticia a tira wowo riba dje. E prome, pa e impago di belasting, tambe a investiga den audiencia, pero a caba na remiti na e hungadonan di Barcelona, unda cu a conclui cu un pacto, cu solamente nan ta fiha condena pa delitonan fiscal contra Barca.
Den e di dos causa, a detecta un delito di corupcion entre particularnan ( di seis luna pa cuatro aña di prizon, inhabilitacion y multa). En concreto, pasobra Rosell y famia Neymar a concerta na 2011 algun pago pa e fichahe cu nan a sconde pa DIS y Santos y cu a viola e normanan di FIFA riba negociacionnan. E circunstancianan aki, uni na e penalisacion miyonario pacta si na final Neymar kier a bay un otro club, a supone “altera e liber mercado di fichahe di futbolistanan.”
En cuanto e delito di estafa impropio (cu penalisacion di un pa cuater aña di prizon) lo a tuma luga na momento cu a firma dos contracto simula na 2013 cu a encubri e pago pa Santos di un cantidad realmente superior na 17.1 miyon cu supuestamente lo a abona pa e derechonan federativo. A trata “di un acuerdo pa loke cu FCB lo mester a paga 4.5 miyon si nan no a hunga un wega amistoso cu nunca a tuma luga.
E di dos contracto simula a consisti den e compromiso di Barca di abona na Santos 7.9 miyon pa ten preferencia riba tres hungado caminda cu e club nunca mas a bolbe na interesa. E cantidadnan aki tabata tin cu a wordo suma na 17.1 miyon y por lo tanto, lo a sostene ingresonan na DIS cu nunca a wordo informa di e contractonan.
Fuente: El Mundo