CURITIBA, Brasil – Ministerio Publico di Brasil a anuncia diabierna e devolucion estatal Petrobras di 204.2 miyon di real (59.7 miyon di dollar) recupera cu e operacion policial cu a descubri un red gigantesco di corupcion den e petrolera.
Den un rueda di prensa na Curitiba, capital di e sureño estado di Parana y unda cu e investigacionnan a concentra, fiscal Paul Conti Tha, a indica cu ta trata di e di tres devolucion, cu cual a totalisa cerca di 500 miyon di real recupera mediante accionnan hudicial y acuerdonan cu algun di e implicadonan.
E suma ey ta representa mas of menos 147 miyon di dollar, cual ta solamente un parti di loke a wordo desvia, pues e propio petrolero a admiti den su balancenan perdidanan di mas of menos 2000 miyon di dollar pa e escandalo aki, cu ta implica mas di 20 empresa priva y decenas di politico di varios partido politico.
Ainda asina, “ta e mayor devolucion di recurso pa crimennan penal den nos pais,” e fiscal a bisa, kende a critica ademas e posibilidad cu Congreso ta limita na e ambitonan di actuacion di Ministerio Publico cu un posibel reforma di e leynan cu ta rigi su educacion.
Fuente: NTN24