Relaciona cu un relato cu a sali den tur medio di comunicacion cu Cuerpo Policial di Aruba a manda di un entrada hudicial cu a tuma luga diadomingo merdia na Sabana Liber. E comunicado di prensa aki a bin for di un compania priva cu ta encarga pa suministra comunicado di Polis na comunidad via di Prensa.
E titel di e comunicado ta : Polisnan di Noord cu hayazgo grandi di droga……. Polis a descubri plantacion profesional di droga den cas di abogado……. A detene 3 sospechoso y a tuma 2 auto den beslag..
Di biaha cu e comunicado aki a sali ya den medianan a saca nomber di un abogado fam Croes etc, y den comunidad yen hende a papia over di esaki y asta hinca politica aden. Mientras cu e abogado no ta ni deteni pasobra e abogado cu a ser menciona den un media tin lunas caba malo y tin un enfermedad serio cu el a haya y ta riba cama unda ni na radio e no ta trahando, y ni como trabou di abogado pa un temporada caba. E persona cu a keda deteni tin mes un nomber cu e abogado. M.Croes cu ta familiar di e abogado, y e abogado mes no ta biba na Sabana Liber.
Ministerio Publico diamars merdia ta informa di e noticia di e supuestamente abogado deteni cu plantacion di marihuana na su cas cu, NINGUN momento ta trata di un abogado of di e abogado di cual su nomber a keda menciona den prensa ta trata di un persona cu e mes un nomber ey.