Despues cu diamars mainta a tuma luga un entrada hudicial den cas di minister Paul Croes, Ministerio Publico a tene un conferencia di prensa, splicando mas di esaki. Fiscal Mayoor Erick Olthof, a splica cu bao di guia di Ministerio Publico, Landsrecherche, den cooperacion cu RST y Cuerpo Policial, a haci un investigacion di posibel soborno activo y pasivo den e ultimo lunanan. E investigacion ta basa riba e sospecho cu e minister di Asuntonan Social, Hubentud y Labor, hunto cu algun di su trahadonan, lo a ricibi regalo, promesa y/of servicio, caminda cu el a sa di duna personanan cu un estado dudoso (ilegal) trabao.
Durante e investigacion aki, a surgi e sospecho cu e minister aki a haci su mes culpabel di abuso di autoridad (ambtmisbruik). Tambe e sospecho a surgi cu e minister, hunto cu otro, a haci su mes culpabel di labamento di placa..
E sospecho a tuma luga cu “ambtelijke Corruptie” primordialmente ta consisti door di pidi of tuma placa a cambio di corumpi den e mercado laboral.
Un manera positivo pa haya un trabao ta via DPL of pa pa por traha na Aruba, ta pa haya un permiso atrabes di Dimas.
Den cuadro di e investigacion ya menciona, awe, diamars, huiszoeking a y lo wordo haci riba 13 cas, compania, edificio y instancia, bao di guia di dos hues comisario. Personal di Lands Recherche, RST, Cuerpo Policial, Fiscale Inlichtingen en Opsporings Team pero tambe e FIOD di Hulanda y tambe Marechausse, cu sosten di otro partner strategico, ta envolvi den esaki.
E invalnan aki mientras tanto a caba den beslag di varios informacion administracion y ainda e invalnan aki por dura durante di curso di dia.
Ministerio Publico y e team ta desea pa analisa documento y informacion, como tambe demas datonan pa asina studia esakinan y scucha testigo. A base di e resultado di e analisisnan aki y scuchamento di testigo, no ta descarta cu lo por bay tin detencion den e caso aki.
Te asina leu, Fiscal Majoor Olthof a sigura cu no tin otro minister envolvi den e caso aki. Tambe ta mustra cu indicacion pa asina efectua e investigacion penal, a origina a base di mensahenan riba Facebook regularmente. Tur mensahe cu aparece riba Facebook cu aparece, ta nifica cu ta berdad. Ministerio Publico ta investiga kico ta e berdad di mensahenan riba Facebook ta. Banda di esey, tabata tin declaracion di testigo, caminda cu nan a haci un feitenonderzoek, cu a haci disponibel mas informacion, cu a finalisa den un investigacion penal.