Ministerio Publico lo bay haci uzo di mas cu un Fiscal riba casonan mas grandi

0

Ministerio Publico(OM) di Corsou, Sint Maarten y islanan BES ta bay inclui mas frecuente mas cu un Fiscal ora trata casonan grandi den Corte.

Ya caba OM di Corsou y Sint Maarten a conoce experencianan bon y exitoso den casonan manera “Hato Shooting”, “Bientu”, “Menam” y “Babel” den cual mas cu un Fiscal a keda encarga cu e caso. Procurador general (PG) Guus Schram a duna di conoce ku casonan grandi cu investigacionnan largo mas i mas lo keda trata pa un ‘team di Fiscal’ consistiendo di mas cu un Fiscal. Esaki ta bay contribui na calidad di e investigacion y ta bay evita vulnerabilidad ora transferi casonan.

Tur actuacion durante un investigacion di e diferente Fiscal ta bin pa cuenta di Ministerio Publico; OM ta en efecto e instancia cu ta persigui y ta un y individibel. Tambe den caso “Maximus” ta bay tin mas cu un Fiscal encarga cu e investigacion. E team di Fiscal den “Maximus” ta bay consisti di Fiscal cu hopi experiencia, entre nan un cu añanan largo a fungi como Abogado general (AG).

Uzo di mas Fiscal riba un caso ta, segun PG Schram, consistente cu e desaroyo di Ministerio Publico y perspectiva di futuro manera splica den e documento di vision di Procurador- General (PPG). Por lesa y download e documento di vision via e link: http://iturl.nl/snnI8kQ

LAGA UN REPLY