CARACAS, Venezuela- Fiscal general di Venezuela, Tarek Saab, a informa diamars cu Ministerio Publico lo cuminsa un investigacion penal contra di ex minister di Petroleo Rafael Ramirez. Esaki pa motibo di algun document cu ta incrimin’e “directamente” den “operacionnan di intermediacion di compra y benta di petroleo”.
“Nos a dicidi di cuminsa un investigacion contra di Rafael Ramirez, pasobra den documentonan den nos poder, Diego Salazar ta señala Ramirez directamente. E ta incrimina Ramirez directamente como su socio directo den operacionnan di intermediacion di compra y benta di petroleo”, Saab a bisa den un conferencia di prensa.