Ministerio Publico (OM) Corsou a dicidi pa persigui Presidente di Banco Central di Corsou y Sint Maarten (CBCS) pa fraude di belasting.
E investigacion kontra señor Emsley Tromp, yama Saffier, a inicia na 2016 relaciona cu informenan persistente den prensa tocante posibel malversacion financiero cometi dor di e sospechoso. Den e caso aki a
tene varios entrada hudicial, entre otro na BanCo Central y na cas di e sospechoso.
Tambe a skucha algun testigo mientras cu a ricibi tambe documentacion for di exterior. Naturalmente tambe a skucha e sospechoso mes tambe. E investigacion a conduci na entre otro e sospechoso cu señor Tromp no a pone belasting na altura di tur placa cu el a ricibi entre 2006 y 2014 den cuadro di su funcion como entrada di su ‘pensioenopbouw’. Door di esaki pais Corsou y Sint Maarten a perde di gana posiblemente 5.5 miyon na entrada.
E investigacion rond di fraude di belasting mientrastanto a termina y tabata motibo pa Ministerio Publico pa tuma un decision. Ministerio Publico ta spera cu dentro di poco dia ta bay emiti e sospechoso un dagvaarding pa e hechonan aki. E dia ey tambe lo bira conoci ki dia e caso den Corte ta keda trata.
Ministerio Publico mientrastanto a pone e sospechoso na altura di e decision. E investigacion pa loke ta trata e otro sospechonan ta continua. Mas despues ta tuma un decision pa loke ta trata persecucion di esaki.