En conexion cu e seminario riba Medio Ambiente na Universidad di Aruba diabierna, Minister di Medio Ambiente Sr. Otmar Oduber na unda cu representante di Wereld Natuur Fonds tabata presente como tambe director di Directie Natuur en Milieu, a haci un recorido na varios area cu a wordo indica como areanan pa por wordo protegi. Aruba tin 16 area cu a wordo proponi pa wordo protehi. Esaki e.o. por medio di un moccion cu unanimamente a wordo aproba dor di parlamento den añanan anterior.
Durante e recorido por a pone un bista cla kico por bay spera den futuro na momento cu mester institui areanan protegi y kico ta e rason cu ta bin cu e Marine park. Mester proteha nos medio ambiente, pero tambe mester tin mas vigilancia estricto di actividadnan cu tin den awa rond di Aruba.
Esaki ta importante pa eleva e tema di medio ambiente riba e mesun nivel pa locual ta e tema di desaroyo econominco.