DEN HAAG – Embahador di Finlandia, Sra. Katri Viinikka a haci un bishita di cortesia na Minister Plenipotenciario Juan David Yrausquin. Embahador Viinikka desde aña 2015 ta Embahador di Finlandia na Hulanda.
Durante su bishita na Minister Yrausquin, Embahador Katri Viinikka a mustra hopi interes den Aruba y den Aruba su status como pais autonomo den Reino Hulandes. Minister Plenipotenciario na su turno a duna un splicacion extenso ariba esaki.
Aparte di temanan interesante cu a ser treci padilanti, Finlandia ta conoci pa su companianan di renombre internacional riba tereno di tecnologia manera Wärtsilä – cu a entrega generador di energia na W.E.B. – sigur no ta desconoci pa Aruba.