Minister Plenipotenciario di Aruba Juan David Yrausquin a presencia como miembro di Gobierno di Reino e Conmemoracion National na e Indisch Monument na Den Haag. Riba 15 di augustus ta recorda capitulacion di Japon cu a nifica fin di Segunda Guera Mundial. Prome Minister di Hulanda Mark Rutte y Secretrario di Estado pa Salubridad Publico, Bienestar General y Deporte Martin van Rijn a pone un krans na e monumento den nomber di Gobierno di Reino.
E programa oficial a contene discurso di Andrée van Es, ex wethouder di Amsterdam y di Bas di Roos di 17 aña y alumno di Vrijzinnig Christelijk Lyceum. E Residentie Bach Ensembles tabata encarga cu e gran parti di e musica durante di e programa oficial. E programa a wordo cera cu defile na e monumento.
Potretnan ta cortesia di Arubahuis