Minister Yrausquin a intercambia di opinion cu lider di CDA riba areglonan existente

0

DEN HAAG – Minister Plenipotenciario Juan David Yrausquin a reuni cu lider di fraccion di CDA den Tweede Kamer Sybrand Buma. E mandatario den un combersacion ameno cu sr. Buma a toca diferente areglonan entre Aruba y Hulanda.

Buma di su banda a elabora riba e punta di bista di CDA pa loke e relacion den Reino Hulandes.
Durante di e encuentro Buma a duna Minister Yrausquin vario conseho riba asunto actual y e personanan clave pa papia cu nan den e arena administrativo y politico.

Minister Plenipotenciario Juan David Yrausquin a gradici sr. Buma pa tur su bon consehonan y a bisa di lo tuma esakinan den consideracion pa cu su trabao como Minister Plenipotenciario di Aruba na Hulanda.