Minister Yrausquin a felicita Ryçond Santos do Nascimento cu a doctora na Universidad di Groningen

0

DEN HAAG – Minister Plenipotenciario Juan David Yrausquin a felicita Ryçond Santos do Nascimento cu a doctora na Universidad di Groningen. Su tesis a hiba e titulo ‘Het Koninkrijk ontsluierd’ y no tabata tin un fecha mas apropia cu awe diahuebs 15 di December, Dia di Reino, pa Ryçond a trece un bista bastante critico riba Reino Hulandes. Minister Yrausquin a bisa di ta sumamente orguyoso pa mira un Arubiano mas a tuma e paso y perseverancia pa doctora y cu a defende su tesis na un manera sublime. Un pabien pa Ryçond, su famia y Aruba, asina e mandatario a bisa.

E investigacion di Ryçond Santos do Nascimento a concentra riba e relacion entre Reino Hulandes y e paisnan y islanan den Caribe. Punto di salida den su investigacion ta e concepto constitucional vigente cu ta forma e structura di Reino Hulandes, particularmente cu e concepto di Reino Hulandes ta un asina yama federacion, pero si bo mira bon Reino ta un asociacion constitucional. Ryçond a investiga cual di e dos conceptonan aki den bista di e historia di Reino Hulandes, prome y despues di segundo guera mundial, ta coresponde cu e structura actual di Reino. Tambe ela investiga cual tipo di structura tabata e intencion di esnan cu a scirbi e Statuut pa Reino Hulandes. E disertacion di Ryçond a saca afor cu e intencion tabata deliberamente di haci un fachada di e areglo constitucional. Esaki ta lanta e pregunta of sea e structura di Reino Hulandes ta coresponde na e criterionan actual di democracia y estado di derecho.

SHARE
Previous articleAeropuerto keto bay ta un dolor di cabes pa departamento di aduana
Next articleCruz Cora ta cuminsa cu evacuacion di heridonan na Alepo