DEN HAAG –Minister Plenipotenciario Juan David Yrausquin a reuni awe diabierna 27 di october pa prome biaha den e Conseho di Minister di Reino den e constelacion nobo, despues di e Gabinete di Prome Minister Mark Rutte III a keda instala diahuebs pa Rey Willem Alexander.
Prome cu e reunion e mandatario a combersa cu Prome Minister Mark Rutte den e Torentje. Tambe Sr. Yrausquin na e ocasion aki a cera conoci oficialmente cu Raymond Knops, cu den e Gabinete Rutte III tin e cartera di Relacionnan den Reino.
Minister Yrausquin a informa sr Rutte y sr. Knops cu e formacion di un Gobierno nobo na Aruba ta andando ainda. Sr. Yrausquin a expresa su deseo cu na momento cu Aruba tin un Minister Plenipotenciario nobo, pa duna e persona aki tur cooperacion necesario na bienestar di e bon re-lacion entre Aruba y Hulanda y den Reino Hulandes.
Potretnan ta cortesia di Nico van der Ven.