Den cuadro di e actividadnan boluntario di “Aruba Doet” , Fundacion OPPA conhuntamente cu e “Plataforma Sigui cu Movecion pa bo mesun bon” ta organisa diabierna venidero dia 15 di maart, actividad pa nos grandi nan. E evento aki lo tuma luga riba Linear Park pa 50r di atardi. Pa 5:15pm lo tene un actividad pa keinta e curpa pa medio di e asina yama “Chair Based Exercise” ehercicio sinta y cu ayudo di stoel. Aki lo mustra nos grandi nan cu por haci ehercicio di forma mas safe pa no perhudica e musculonan ni articulacion di e curpa. Despues lo sigui un caminata di 30 pa 40 minuut specialmente pa nos grandi nan. Y e atardi di actividad fisico lo culmina cu un sesion di “Dance Fit” riba “Linear Park” mes.  Minister Visser ta invita tur  pensionado pa bishita Linear Park diabierna atardi y cera conoci cu actividadnan fisico cu ta wordo presenta pa nos grandi nan den nos comunidad. E atardi aki ta un bon oportunidad pa cera conoci cu otro pensionadonan cu ya ta activo. Durante di e caminata lo ta pendiente di esunnan cu ta canando pa prome biaha y no ta den condicion ainda. Tambe ta importante pa tene cuenta cu mester bisti paña comodo y sapato pa cana of keds.
E recomendacion mundial pa nos grandi nan tambe ta cu actividad fisico ta mehora salud y ta tene e mente tambe activo 150 minuut pa siman ta e clave. Organisadonan mes lo pone awa y fruta disponibel pa tur cu participa na e evento aki.