DEN HAAG – Minister di Enseñansa, Ciencia y Desaroyo Sostenibel dr. Rudy Lampe a haci un bishita oficial na Arubahuis. Minister Lampe a wordo ricibi pa Minister Plenipotenciario Guillfred Besaril, representante di Aruba na Union Europeo, Sr. Eddy Paris, director a.i. mr. Glenn Ling, personal di Gabinete di Minister Plenipotenciario y ATA Europa. E mandatario a wordo acompaña pa miembro di Staten pa RED, Sr. Ricardo Croes.
Minister Rudy Lampe ta na na Hulanda pa un bishita di trabao. Sr. Lampe a gradici Minister Besaril y e personal di Gabinete di Aruba pa e caluroso recepcion. Tambe e mandatario a enfatisa e tremendo sosten cu ela ricibi for di Gabinete di Aruba pa cu su reunionnan na Hulanda.Minister Lampe a bisa cu tin hopi plan riba mesa pa loke ta trata enseñansa y cu sigur e ta kere cu Gabinete di Aruba lo ta un instrumento importante den ehecucion di e vision y plannan aki.
Di su banda Minister Plenipotenciario Guillfred Besaril a bisa di ta contento di tende cu Arubahuis ta ricibi e reconocimento pa ta un organisacion profesional cu e unico meta pa traha na brinda un servicio excellente na mandatarionan y parlamentarionan durante di nan bishita na Hulanda.